必備便秘良方

導致便秘嘅原因有好多，複雜嘅如有新陳代謝及內分泌失調，亦有因服藥後藥物副作用而引起，有可能因飲食唔均衡。

何謂「便秘」？

一、排便次數唔足，排便量太小。好多人誤以為每日必須大便一次，如少過一次就係便秘。其實，每日三次至每三日一次都係完全正常。

二、糞便既乾又硬。

三、排便個陣要出盡最大嘅力去放出黎

四、便後會感覺有餘糞。

而大家最先可以從飲食方面去治療便秘，有幾大原則：

多食高纖維素嘅食物，而高纖維食物有蔬菜和水果，其次就可多食果仁、穀殼類早餐麥片、提子乾，甚至可以食現成嘅纖維丸。

但避免食有核嘅食物 ─ 如蕃石榴、爆谷和蕃茄嘅核，都易令排便困難。

多飲水，每日至少8杯水〈250毫升水〉，最好選擇飲用暖白開水。水嘅功效能軟化大便，令排便工程順利搞掂。

部份藥物，如胃藥、利尿藥、防抑鬱藥、降血壓藥會易導致便秘。所以一開始應請教醫生，搵出適合自己嘅藥物。

多做運動，經常做運動可有助通便。如果你係長時間坐著唔動，唔進行一D活躍性活動，都會出現便秘情況。

長期服食鈣片及鐵質片，都會令部份人引起便秘嘅原因。鈣質可由奶類可攝取，鐵質可由家畜內臟 ( 肝臟和腎臟含最佳來源 )。所以最好以食物代替營養丸。

藥房都有天然專治療便秘嘅產品。